De Speck un sien Pries

Pölltüffel mit Speckstipp un Gurkensalat, ick kaak jeden Dach Meddacheten, also möt ik mi ok jeden Dach wat infallen laten. De Tüffel in Gorden sünd so wiet, de Gurken int Gewächshus sünd ok gaut wussen. Ja, wi können Pölltüffel mit Speckstipp un Gurkensalat äten. Öwer denn Speck möt ick köpen, een Swien hebben wi nicht. Also los taun Fleeschstand bi een Supermarkt in Reutershagen. De Verköpersch schnitt ne dünne Schief von denn Speck af, ja dat langt för twei Personen. Nu öwer nah Hus taun kaken. Up denn Weg öwerlegg ick noch, ob dat Stück Speck woll ok reicht. Nee, dat is tau wenig. Nu ga ik öwer nich nochmal inn denn Markt, ick gah tau denn Slachter, denn dat inne Passage ok noch gifft un köp noch een bäten Speck. Tau Hus stell ick denn fast, dat ick mi biet Inköpen anscheten heff. In Supermarkt kost dat Kilogramm 19,90 Euro un bien Slachter 15,30 Euro. »Kannt nich gäben«, seggt mien Mann. Ierst de beiden Kassenzettel öwertügen em.

H. Maier, Rostock, 13.07.2023