De Eiferers

In mien Tiding läs ik af un an vun muslemische Eiferer, de sik Springstoff üm den‘n Buk binnen un sich denn in een Hümpel Mischen in de Luft sprengen. Sei maken dat in deipen Glöben an ehren Gott Allah un in de Utsicht, in‘n Häwen denn twölf Jungfrugens tau kriegen. Wenn eener dat daun deit, is hei säker dot. Mit dei Jungfrugens oewer, häv ik so miene Bedinken. Woanz kamen dei denn dor baben hen un wo bliewen dei, wenn sei keen Jungfrugens miehr sünd? Keen een kann die dat seggen. Nu kannst du die bi disse Gedanken öwer dei Muslime jo eenen högen. Doch dei Christen sünd in ehre Oort ok nich bärer. Luther wier Eiferer, orrer Fundamentalist, as dat so hüt up Hochdütsch heiten deit. Hei sechte taum Bispill: »De Esel will Schläch häm, un de Pöbel will mit Gewalt regiert sien. Dat wüsst all Gott.« Wenn ik nu sowat läsen dau, denn fallen mi ümmer de Gräunen in, de as Eiferer ehre Politik genauso mit Gewalt dörchsetten wölln as Luther sienen Globen. De hollen uns Minschen, so as du un ik wecker sünd, för Pöbel, de son‘n bäten dömlich iss un den‘n man mit dat Gesetz kamen möt. Dink blot an den‘n kamenden Winter, wenn du nich miehr mit Holt orrer Kahlen inböten sallst. Oewer laten wie dat. Ik will Habeck nich mit Luther verglieken. Dat hät Luther nich verdeint. Nee, ik meen sonne wecke von de Gräunen, de sik so as de Muslime sülben in de Luft springen wullen. Dat Problem bi de is blot, dat sei een bäten tau bramsig sünd un woanz nu hän mit den‘n Liefreimen? Sei häm noch nie im Läben arbeeten müsst, nix studiert un nix liehrt. Oewer se weiten, as man Müs‘ fängt. Mit Speck. Un Wählers füngst du immer noch mit Verspräken. Du möst dat jo nich betahlen. Ach so. Fru Ricarda Lang fördert nu al viertein Euro Mindestlohn för Ringverdeiner. Mi dücht, se weit noch nich so richtich üm den‘n Springstoff, de sei in den‘n Häwen bringen künn. Jungfrugens brukt sei dor säker nich. Sei is jo verheirat. Wenigstens dat. Un nu kümmst du.

Joachim H. Rudek, Rostock , 30.10.2023