Harwsttiet = Poggenstohltiet!

Juchei, jucha, de bunte, schöne Harwst is all wedder dor, un dormit de grote Poggenstohltiet, dat is doch kloor! Gääl Päperlings, grote Steenpilze un anner en Masse, de Sökerie möckt väl Spooß un is bannig Klasse! Mann un Fruugenslüüd sallen tosamen in‘n Woold gahn, dat bringt Harmonie in‘t Eheläben – Ji koenen‘t verstahn! Üm Birken, Eiken un Dannen dreihgt man Zick-Zack-Runnen, dor warden de mihrsten Poggenstöhl von Juuch woll funnen! Un dunn vörsichtig ut dat Moos de Pilze ruutdreihgen, so ward dat wat mit een schönen Poggenstohlreigen! Mit Speck un Zipollen, de Pilzbeute dunn fien braden, Peiterzill un ‘n Klacks Bodder, se warden woll goot geraden! So‘n Äten höllt jung un bringt de Hormone in‘t Wallen, dornah laat‘t de Rotkäppchen-Sektkorken luut knallen! ‘N bäten Schuumwien nah de schönen Poggenstohl-Mahltiet, dunn fix in‘t Bedd un Schmusi-Busi is ok nich mihr wiet!

Uwe Schmidt, Stralsund , 12.10.2022